మనసు

 
మల్లె మనసు

విడవకముందే అమ్మ ఒడికి దూరమౌతాను
దేవుని చెంత చేరతానో ?
కాంతల కురుల్లో కూరుకుంటానో ?
కల్యాణ వేదికల్లో కట్టబడతానో ?
రాజకీయ నాయక్కుల మెడలలో మలినమౌతానో ?
అంతా అయోమయం గడ్డిపూవునైనా కాకపోతిని.

 

గడ్దిపూవు మనసు

పుడితే మల్లెపూవుగా పుట్టాలా
విడువకముందే అపురూపంగా కోసి తీసికెళ్తారు.
వాసన చూసి తన్మయత్వం చెందుతారు
భగవంతుని పాదాల చెంత చేరుస్తారు
మనసారా ముడులలో ముడుస్తారు
ఉన్న ఒక్క రోజు జీవితంలో వెలుగు నింపుతారు
నా జీవితం అడవి గాచిన వెన్నెలే
ఎవ్వరూ నన్ను కొయ్యడానికి రారు. వచ్చినా ‘ పసిరి కంపు ‘అని తృంచి పడేస్తారు.
 
పువ్వుల విషయమే ఇలా ఉంటె ఇక మనుష్యుల సంగతి ?
మల్లె పూవు గడ్డిపూవుగా
గడ్దిపూవు మల్లెపూవుగా మారలేకపోయినా
మనసున్నమనుష్యులు మనసు పెట్టి ప్రయత్నిస్తే
అనందాలని కొంతవరకైన సొంతం చేసుకోవచ్చు
ఏ సుఖమైన ఎదుటివారిలో చూసినప్పుడే అనందంగా కనపడుతుంది అనుభవానికి వస్టే అలవాటుగా పరిణతి చెంది ఆనందం కరిగిపోతుంది. అందుకే అన్నారు. ‘ దూరపు కొండలు నునుపు ” అని.