అలా అంటే ఇలా

అసలుకన్నా కొసరు ఎక్కువ..

* తిరుపతిలో దేవుడి దర్శనానికి గంటసేపు నిలబడితే, ప్రసాదం కోసం క్యూలో    నాలుగు గంటలు   నిలబడడం.

ఎవరు త్రవ్విన గోతిలో వారే పడటం..

* లంచం ఇచ్చి ఉద్యోగం సంపాదించి మళ్ళీ అదే లంచం తీసుకోబోయే ముందు పట్టుబడటం.

 పుండు మీద కారం జల్లడం..

* సంవత్సరమంతా నానా తంటాలు పడి చదివినా వేసవి సెలవుల్లో  ఆ కోచింగని ఈ కోచింగని బలవంతపెట్టడం.

నారు పోసినవాడే నీరు పొయ్యడం..

* సినిమాను తీసిన నిర్మాతే సినిమాను నడిపించడం.

కొండ నాల్లుక్కి మందేస్తే ఉన్న నాలుక ఊడడం.

* బోగస్ ఓట్లు సమూలంగా ఏరి వేద్దాం అని అనుకుంటే, అర్హులయిన వారి పేర్లు ఓటర్ల జాబితాల నుంచి గల్లంతు కావడం.

పేరు గొప్ప ఊరు దిబ్బ..

* కలర్ ఫుల్ గా ఉండే “పింక్ కార్డు” లకు ఏమీ ఇవ్వరుకానీ వెల వెల బోయే తెల్ల కార్డులక  సరుకులన్నీ ఇవ్వడం..

పులిని చూసి నక్క వాతలు పెట్టుకోవడం..

* స్టెత స్కోపు మెడలో వేసుకుని తిరిగే డాక్టరుని అనుకరిస్తూ కాంపౌండరు ధర్మామీటరుకి  దారాన్ని కట్టి మెడలో వేసుకు తిరగడం.