సరదా

ప్రశ్నలు అడగమన్నారుగా! ఐతే కాసుకోండి. ఈ చిత్రానికి విచిత్రమైన డైలాగ్ కొట్టండి. చూద్దాం.

ప్ర. పడ్డవాడెప్పుడు చెడ్డవాడు కాదు అంటారు కదా! మరి పడనివాడు?
జ.
ప్ర.బ్రహ్మచారులు కనిపిస్తారు కాని విష్ణుచారులు, శివచారులు ఎందుకు కనిపించరు?
జ.
ప్ర. అమెరికా వాళ్ళు మొబైల్ ఫోన్ కనిపెట్టారు. జపాన్ వాళ్ళు అందులోకి సిమ్ కార్డుని కనిపెట్టారు. మరి మన వాళ్ళు?
జ.
త్వరపడండి……..

పాపం ఆంధ్రా పోరడు

ఒక సినిమా పాటకు అనుకరణ:
పోను పోనంటూనే పోరడూ పోరడూ
అమెరికా పోయిండే పోరడూ పోరడూ
వద్దు వద్దంటూనే గుంటడూ గుంటడూ
డాలర్ల వెనకురికే గుంటడే గుంటడూ || పోను ||
కంప్యూటర్లే బోగస్సని కుచ్చుటోపి పెడతాయని
కహానీలు ఇన్పించే పోరడు
కలల్లోన తేలిపోతు కోటికి పడగెత్తాలని
కొలంబియా పోయిండే పోరడూ
ఔనా అయ్యో పరేషాన్ అవుతాడే
పాపం పసివాడే పోరడూ || పోను ||
వున్నదేదో అమ్ముకుని ఊరినంత వదులుకుని
వర్జీనియా దారిపట్టే పోరడూ
దిమాఖంత ఖరాభైంది దిగులుచెంది దీనంగా
వీధులెంట తిరిగినాడే పోరడూ
ఔరా అతిగా ఆశపడి అల్లాడెనే
అమెరికాలో ఆంధ్రావాడే పోరడూ || పోను ||
 తొలి [...]

నోరూరించే ఆహ్వాన పత్రిక

                                        
శ్రీరస్తు *********** శుభమస్తు *********** అవిఘ్నమస్తు
వివాహ మహోత్సవ ఆహ్వాన పత్రిక
స్వస్త్రిశ్రీ చాంద్రమాన శ్రీ వ్యయనామ సo|| ర ఫాల్గుణ బ|| నవమి ఆదివారము తేది 25.2.2007 ఉ|| గం|| 10.17 ని|| లకు రోహిణీ నక్షత్ర యుక్త మేషలగ్న పుష్కరాంశ సుముహూర్తమున
మా కనిష్ట పుత్రుడు
చి|| మసాలాదోసె
కు
చి||ల||సౌ|| బంగాళదుంపఖుర్మా
తో
(మ||రా|| శ్రీమతి & శ్రీ టొమాటో శర్మగారి ద్వితీయ పుత్రిక)
వివాహము జరిపించుటకు దైవజ్ఞులు నిర్ణయించినారు.కావున తామెల్లరు బంధుమిత్ర సకుటుంబ సపరివార సమేతంగా విచ్చేసి, నూతన వధూవరులను ఆశీర్వదించి,మాచే నొసగబడు [...]